Category: འཕྲལ་གྱི་གནས་ཚུལ།

སྤྱི་ཚེས་༢༣/༠༣/༢༠༡༨ ལུ་ བསྟན་རྒྱས་ལྷན་ཁག་འོག་གི་ བློ་རིག་རྒྱུ་དངོས་ལས་ཁུངས་ཀྱིས་འགོ་འདྲེན་ཐོག་ལུ་ རྒྱལ་ཡོངས་བློ་རིག་རྒྱུ་དངོས་ཀྱི་སྲིད་བྱུས་༢༠༡༨ ཅནམ་འདི་ བསྟན་རྒྱས་ལྷན་ཁག་གི་ མི་རྗེ་བསྟན་རྒྱས་བློན་པོ་མཆོག་གིས་ འགོ་འབྱེད་མཛད་གནང་ཡོདཔ། རྒྱལ་ཡོངས་བློ་རིག་རྒྱུ་དངོས་ཀྱི་སྲིད་བྱུས་༢༠༡༨ཅན་མ་འདི་ཡང་ སྤྱི་ཚེས་༡༣/༠༢/༢༠༡༨ ལུ་ ཚོགས་པའི་ ལྷན་རྒྱས་གཞུང་ཚོགས་ཐེངས་༡༥༡ པའི་སྐབས་ལུ་ ཆ་འཇོག་འབད་ཡོདཔ་ཨིན་མས། ༼ཁ་གསལ་གྱི་དོན་ལུ་ འདི་ཁར་ ཨེབ་གནང་༽

སྤྱི་ཚེས་༢༤-༢༧/༠༢/༢༠༡༨ ཚུན་ རྒྱ་གར་གཞུང་གི་ གློག་ཤུགས་ལྷན་ཁག་གི་ དྲུང་ཆེན་གྱི་གཙོས་པའི་ གཞན་ཆེ་མཐོའི་འགོ་དཔོན་ཚུ་ འབྲུག་རྒྱལ་ཁབ་ནང་འབྱོན་ནུག། འབྲུག་རྒྱལ་ཁབ་ནང་བཞུགས་པའི་རིང་ལུ་ སྤུ་ན་གཙང་ཆུ་གློག་མེ་ལས་འགུལ་༡ དང་༢ ལུ་གཟིགས་སྐོར་གནང་ཡོདཔ་མ་ཚད་ ཆུ་ཁ་གློག་མེ་ཅ་ཁྲལ་བསྐྱར་ཞིབ་ལུ་ཡང་ བཚན་རྟགས་ཚུ་ བཀོད་ཡོདཔ་ཨིན་མས། ༼ཁ་གསལ་གྱི་དོན་ལུ་ འདི་ཁར་ ཨེབ་གནང་༽

ཚོང་འབྲེལ་ལས་ཁུངས་ཀྱི་འགོ་འདྲེན་ཐོག་ལུ་ སྤྱི་ཚེས་༧-༨/༠༢/༢༠༡༨ ཚུན་ ཉིན་གྲངས་༢ གི་རིང་ལུ་ ས་གནས་ དགེ་ལེགས་ཕུག་ལུ་དང་ སྤྱི་ཚེས་༡༢-༡༣/༠༢/༢༠༡༨ ཚུན་ ས་གནས་ཕུན་ཚོགས་གླིང་ལུ་སྦེ་ ཕྱིར་ཚོང་འཐབ་མི་ཚུ་ལུ་ སེམས་ཤུགས་བསྐྱེད་བཅུག་ནི་གི་དོན་ལུ་ ཕྱིར་ཚོང་དང་འབྲེལ་བའི་ སྲིད་བྱུས་དང་ འཆར་གཞི་ ལམ་ལུགས་ ཚོང་འབྲེལ་གན་ཡིག་ ཕྱིར་ཚོང་བྱ་བའི་གནོད་སྤྱོད་ ལམ་སྟོན་ཚུ་ལུ་ སྦྱོང་བརྡར་ཅིག་འགོ་འདྲེན་འཐབ་ཡོདཔ་ཨིན་མས། Read More

སྤྱི་ཚེས་༠༩/༠༢/༢༠༡༨ ལུ་ བསྟན་རྒྱས་ལྷན་ཁག་འོག་གི་ ཆུར་བརྟེན་གློག་ཤུགས་ལས་ཁུངས་ཀྱི་འགོ་འདྲེན་ཐོག་ལུ་ འབྲུག་གློག་ཤུགས་ལམ་ལུགས་འགོ་འདྲེན་ཚོགས་ཆུང་ གཞི་བཙུགས་འབད་ཡོདཔ། ཚོགས་ཆུང་གཞི་བཙུགས་འབད་དགོ་མི་དེ་ཡང་ གློག་ཤུགས་ལས་སྡེ་ཚུ་གིས་ གློག་ཤུགས་བཀྲམ་སྤེལ་དང་ ལག་ལེན་ཚུ་ འཇོན་ཐངས་ཅན་སྦེ་འགོ་འདྲེན་འཐབ་ནི་དོན་ལུ་གཞི་བཙུག་འབད་ཡོདཔ་ཨིན་མས། ༼ཁ་གསལ་གྱི་དོན་ལུ་ འདི་ཁར་ ཨེབ་གནང་༽  

སྤྱི་ཚེས་༠༩/༠༢/༢༠༡༨ ལུ་ བསྟན་རྒྱས་ལྷན་ཁག་གི་ མི་རྗེ་བསྟན་རྒྱས་བློན་པོ་མཆོག་གིས་ ས་གནས་ མུ་ཏི་ཐང་ ས་སྣུམ་མཛོད་ཁང་ལུ་སྦེ་ ཕབ་ཆག་མེད་པའི་མེ་རླུང་རྒྱ་ཛི་དེ་ སྒོ་འབྱེད་མཛད་གནང་ཡོདཔ། དེ་སྦེ་སྒོ་འབྱོད་འབད་དགོ་མི་དེ་ཡང་ ཕབ་ཆག་ཡོད་པའི་མེ་རླུང་རྒྱ་ཛི་ལུ་ ལྷན་ཐབས་འབད་དེ་ ཕབ་ཆག་ཡོད་པའི་རེ་རླུང་ཚུ་ གྲོང་གསོབ་ཚུ་ལས་ཕར་བཀྲམ་སྤེལ་འབད་ནི་དོན་ལུ་ཨིན་མས། ༼ཁ་གསལ་གྱི་དོན་ལུ་ འདི་ཁར་ ཨེབ་གནང་༽

སྤྱི་ཚེས་༢༢/༠༡/༢༠༡༨ ལུ་ བསྟན་རྒྱས་ལྷན་ཁག་འོག་གི་ བཟོ་གྲྭ་ཆུང་བ་དང་ནང་བཟོའི་ལས་ཁུངས་ཀྱི་འགོ་འདྲེན་ཐོག་ལུ་ ས་གནས་མོང་སྒར་ལུ་སྦེ་ ཤར་ཕྱོགས་རྫོང་ཁག་༦ ལས་ བཟོ་གྲྭ་ཆུང་བ་དང་ནང་བཟོའི་ཚོང་དཔོན་ མི་གྲངས་༤༦ ལུ་ གཞི་རྟེན་རྩིས་ཁྲ་དང་ རྩིས་བཀོད་ གོང་ཚད་དེ་ལས་ ཚོང་བསྒྲགས་ཚུ་གི་སྐོར་ སྦྱོང་བརྡར་ཅིག་འགོ་འདྲེན་འཐབ་ཡོདཔ། ༼ཁ་གསལ་གྱི་དོན་ལུ་ འདི་ཁར་ ཨེབ་གནང་༽

སྤྱི་ཚེས་༢༡-༢༢/༡༢/༢༠༡༧ ཚུན་ འབྲུག་གཞུང་དང་ བང་ལ་དེཤ་རྒྱལ་ཁབ་གཉིས་ཀྱི་བར་ནང་ འབྲུག་དང་བང་ལ་དེཤ་གི་དཔལ་འབྱོར་སྐོར་ དྲུང་ཆེན་གནས་ཚད་ཀྱི་ཞལ་འཛོམས་ཐེངས་༦ པ་དེ་ ས་གནས་་བང་ལ་དེཤ་ལུ་སྦེ་འགོ་འདྲེན་འཐབ་ནུག ཞལ་འཛོམས་ཀྱི་སྐབས་ལུ་ བང་ལ་དུཤ་རྒྱལ་ཁབ་ལས་ དཔལ་འབྱོར་ལྷན་ཁག་གི་ དྲུང་ཆེན་ མི་རྗེ་སུ་བྷ་ཤིས་དང་ འབྲུག་གཞུང་ལས་ བསྟན་རྒྱས་ལྷན་ཁག་གི་ དྲགོས་དྲུང་ཆེན་ ཡེ་ཤེས་དབང་འདུས་ཀྱི་དབུ་བཞུགས་མཛད་གནང་ནུག དེ་སྦེ་ འགོ་འདྲེན་འཐབ་དགོ་མི་དེ་ཡང་ རྒྱལ་ཁབ་གཉིས་ཀྱི་བར་ནའི་ Read More

བསྟན་རྒྱས་ལྷན་ཁག་ བློ་རིག་རྒྱུ་དངོས་ལས་ཁུངས་ཀྱི་འགོ་དཔོན་ཚུ་གིས་ ཕུན་ཚོགས་གླིང་ ཚན་རིག་དང་འཕྲུལ་རིག་སྦྱོང་བརྡར་སྤེལ་ཁང་ དང་ བདེ་བ་ཐང་ འཇིགས་མེད་རྣམ་རྒྱལ་བཟོ་རིག་སྦྱོང་བརྡར་སྤེལ་ཁང་ཚུ་ནང་ འཕྲུལ་རིག་གསར་བཏོད་རྒྱབ་སྐྱོར་ལྟེ་བ་གཞི་བཙུགས་དང་ བློ་རིག་རྒྱུ་དངོས་ཀྱི་ཀུན་ཁྱབ་གོ་བརྡའི་ལས་རིམ་ཚུ་ འགོ་འདྲེན་འཐབ་ནུག དེ་སྦེ་འགོ་འདྲེན་འཐབ་དགོ་མི་འདི་ཡང་ འཕྲུལ་རིག་གསར་བཏོད་རྒྱབ་སྐྱོར་ལྟེ་བ་གི་ མ་འོངས་དང་ལེན་འཆར་གཞི་ཚུ་ གྲོས་བསྟུན་འབད་ནི་གི་དོན་ལུ་ཨིན། ༼ཁ་གསལ་གྱི་དོན་ལུ་ འདི་ཁར་ ཨེབ་གནང་༽

  སྤྱི་ཚེས་༡༣/༡༢/༢༠༡༧ ལུ་ བསྟན་རྒྱས་ལྷན་ཁག་གི་ དྲགོས་དྲུང་ཆེན་མཆོག་གིས་སྦེ་ མི་དབང་མངའ་བདག་རིན་པོ་ཆེ་མཆོག་གིས་ གསེར་ཁྲི་རྩ་བ་ལས་གནང་མི་ རྟགས་མ་དང་ལག་འཁྱེར་ཚུ་ ལྷན་ཁག་གི་ ཞི་གཡོགཔ་༦༨ ལུ་ གནང་ཡོདཔ་ཨིན། ལས་རིམ་འདི་ནང་ དྲགོས་དྲུང་ཆེན་མཆོག་གིས་གསུངས་མི་ནང་ མི་དབང་མངའ་བདག་རིན་པོ་ཆེ་གིས་ རྟགས་མ་དང་ལག་འཁྱེར་དེ་སྦེ་གནང་མི་དེ་  ཞི་གཡོགཔ་ཚུ་གིས་ གཞུང་རྩ་བ་གསུམ་ལུ་ ཕྱགལེགས་ཤོམ་སྦེ་ཞུ་བའི་ དགའ་ཚོར་དང་བཅས་གནངམ་མ་ཚད་ Read More

སྤྱི་ཚེས་༡༠-༡༣/༡༢/༢༠༡༧ ཚུན་ བསྟན་རྒྱས་ལྷན་ཁག་གི་ མི་རྗེ་བསྟན་རྒྱས་བློན་པོ་མཆོག་གི་གཙོས་པའི་ རྒྱལ་ཡོངས་ཚོགས་་འདུའི་ ཆེ་མཐོའི་འགོ་དཔོན་དང་ བསྟན་རྒྱས་ལྷན་ཁག་གི་ འགོ་དཔོན་ཚུ་གིས་ ས་གནས་ཨར་ཇེན་ཊི་ན་ལུ་ འཛམ་གླིང་ཚོང་འབྲེལ་ཚོགས་སྡེ་གི་ལྷན་འཛོམས་ཐེངས་༡༡ པ་ཚོགས་གནང་ས་ལུ་ བཅའ་མར་གཏོགས་གནང་དོ་ཡོདཔ་ཨིན། དེ་ཡང་ ང་བཅས་རའི་རྒྱལ་ཁབ་འདི་ ལྟ་རྟོག་པའི་རྒྱལ་ཁབ་སྦེ་ཚུད་དེ་ཡོདཔ་ལས་ འཛམ་གླིང་ཚོང་འབྲེལ་ཚོགས་སྡེའི་ དྲུང་ཆེན་ཡིག་ཚང་གིས་སྦེ་ བཅའ་མར་གཏོགས་ནིའི་དོན་ལུ་ གདན་འདྲེན་ཞུ་ཡོདཔ་ཨིན་མས། འཛམ་གླིང་ཚོང་འབྲེལ་ཚོགས་སྡེ་གི་ལྷན་འཛོམས་ཐེངས་༡༡ Read More